Mercedes Varela Losada

Profesora Axudante Doutora

Licenciada en Ciencias do Mar e doutora en Equidade e Innovación en Educación da Uvigo. Actualmente é Axudante-doutora, impartindo docencia na área de Didáctica de Ciencias Experimentais do Departamento de Didácticas Específicas desta universidade.

As súas liñas de investigación versan sobre Didáctica das Ciencias Experimentais, Formación do profesorado, Educación Ambiental, Sustentabilidade e Xénero e Innovación educativa.

Ten realizadas múltiples publicacións no ámbito da formación do profesorado en relación á sustentabilidade e o desenvolvemento da competencia científica. Entre os seus últimos proxectos de investigación e innovación destacan “Mulleres nun mar sustentable e produtivo: utilización didáctica do recurso Sustentabilidade en feminino” ou “Deseño e implantación de procedementos e instrumentos de avaliación en graos e posgraos: cuestionarios KPSI, rúbricas e mapas conceptuais en formato dixital”