Colaboración e Innovación para a Equidade Educativa e Social.

Colaboración e Innovación para a Equidade Educativa e Social é un grupo de investigación da Universidade de Vigo, constituido como tal en 2015, co acrónimo CIES-UVigo.

Trátase dun Grupo de investigación interdisciplinar integrado por profesores de Universidade das facultades de educación de Pontevedra e Ourense, profesorado non universitario, e outros profesionais do ámbito educativo e tamén social. Dada a vocación formativa do grupo, integran o mesmo un nutrido grupo de investigadores pre-doutorais.

O obxectivo xeral do grupo de investigación é o desenvolvemento de estudos comprometidos coa mellora e a innovación educativa e social dende a perspectiva da equidade

A actividade desenvolta no grupo pretende buscar respostas, dende a investigación
educativa e social, a necesidade existente na educación e a sociedade actual de plantexar a equidade como principio educativo universal. Son por isto obxecto de estudo as innovacións, procesos, accións, recursos e políticas socio-educativas necesarias para conseguir unha escola, unha educación e unha sociedade con maior equidade para todos.